Youth Council
\n This email address is being protected from spambots. You need JavaScript enabled to view it.
The Nadur Local Council is receiving applications from youths between the ages of 14 and 18 to form part of the Youth Council.
KUNSILLI LOKALI TAŻ-ŻGĦAŻAGĦ
Linji Gwida
2013/14
KONTENUT
1. |
Introduzzjoni |
3 |
2. |
Prinċipji |
3 |
3. |
Il-Proġett fil-Qosor: mit-Tnedija sat-Tmiem |
4 |
4. |
Iffinanzjar tal-Proġett |
5 |
5. |
Obbligi tal-Parteċipanti Msieħba |
6 |
6. |
Regolamenti ta’ Proċedura |
7 |
7. |
Kuntatti |
11 |
$11. INTRODUZZJONI
Il-Kunsill Lokali taż-Żgħażagħ huwa proġett li qiegħed jiġi amministrat minn Aġenzija Żgħażagh bħala parti mill-Empowerment Programme li din l-istess agenzija għandha bħala waħda mill-inizjattivi. Dan qed isir b’kollaborazzjoni mal-Kunsill Nazzjonali taż-Żgħażagħ (KNŻ) flimkien mal-Kunsilli Lokali rispettivi.
$12. PRINĊIPJI
Il-Kunsill Lokali taż-Żgħażagħ għandu l-għan li jippromwovi numru ta’ prinċipji fosthom:
$1· Demokrazija: Iż-żgħażagħ jingħataw għarfien dwar il-prinċipji bażiċi tal-proċess demokratiku.
$1· Ċittadinanza Attiva: Iż-żgħażagħ jieħdu interess fil-ħajja tal-lokalità tagħhom, u fl-isfidi u l-opportunitajiet li għandha, u fl-istess ħin ikunu kapaċi jipproponu titjib.
$1· Parteċipazzjoni: Iż-żgħażagħ jagħrfu li demokrazija b’saħħitha hija bbażata fuq parteċipazzjoni wiesgħa u attiva.
$1· Djalogu: Iż-żgħażagħ jesperjenzaw fil-prattika l-importanza ta’ djalogu strutturat fil-proċess demokratiku u kif huma bħala ċittadini għandhom id-dritt u d-dmir li jwasslu l-ħsibijiet tagħhom.
$1· Tmexxija: Iż-żgħażagħ jagħrfu l-kwalitajiet tagħhom bħala mexxejja fost sħabhom filwaqt li jkollhom l-opportunità li jqiegħdu dawn il-kompetenzi għas-servizz tas-soċjetà.
$1· Rikonoxximent: Iż-żgħażagħ bħala membri tal-komunità lokali iħossuhom sodisfatti li taw kontribut siewi frott l-ideat u l-ħidma li wettqu fil-lokalità tagħhom.
$1· Ugwaljanza: Iż-żgħażagħ jgħożżu l-fatt li f’soċjetà demokratika kulħadd għandu l-istess dritt li jsemma’ leħnu, mingħajr diskriminazzjoni.
$13. IL-PROĠETT FIL-QOSOR: MIT-TNEDIJA SAT-TMIEM
$11. L-ewwel fażi tal-preparazzjoni ta’ dan il-proġett tibda billi jintbagħat invit, applikazzjoni u kopja ta’ Linji Gwida lill-Kunsilli Lokali ta’ Malta u Għawdex biex jiġu mħajra jipparteċipaw fil-proġett.
$12. Aġenzija Żgħażagħ tirċievi għandha l-applikazzjonijiet mibgħuta mill-Kunsilli Lokali.
$13. Aġenzija Żgħażagħ tikkonferma l-parteċipazzjoni tal-Kunsill Lokali permezz ta’ ittra, sa ħmistax (15)-il ġurnata mid-data tal-għeluq tal-applikazzjoni.
$14. Sadanittant l-Aġenzija Żgħażagħ tkun qed tħeġġeġ liż-żgħażagħ biex jipparteċipaw f’dan il-proġett billi tippromovih waqt l-attivitajiet li tkun qed tagħmel, u billi youth worker ikun qed idur go l-iskejjel biex jirreklama il-parteċipazzjoni taż-żgħażagħ. ll-Kunsill Lokali ukoll għandu dmir li jħeggeg liż-żgħażagħ tal-Lokalita’ jipparteċipaw u jekk xi żgħażagħ javviċinaw lill-Kunsill Lokali dan għandu iħeġġiġhom jimlew l-applikazzjoni u jibagħtuha lil Aġenzija Żgħażagħ.
$15. L-applikazzjonijiet taż-żgħażagħ għandhom jintbagħtu lill-Agenzija Żgħażagħ, Triq il-Kbira San Ġużepp, Santa Venera, SVR 1012 sa 12 ta’ Diċembru 2013.
$16. Wara li ssir l-evalwazzjoni ta’ l-applikazzjonijiet il-Kunsilli Lokali jkunu magħrrfa bil-lista tal-applikanti tal-lokalità tagħhom u bl-isem tal-youthworker li jkun se jassisti lill-Kunsilliera Żgħażagħ f’dan il-proġett.
$17. Matul l-proġett isiru seminars ta’ taħriġ non formali organizzati apposta għaż-żgħażagħ parteċipanti.
$18. Minn Jannar il-Kunsilli Lokali taż-Żgħażagħ jibdew jiltaqgħu darba fi ħmistax flimkien mal-youthworker u jiddiskutu dak kollu li jħossu li hu relevanti għal-lokalità tagħhom.
$19. Il-Kunsilli Lokali taż-Żgħażagħ jimla l-formola ta’ l-inizjattiva li jixtieq iwettaq fil-lokalita tiegħu u jissotometiha skont id-data stipulata f’Ottubru.
$110. Il-Kumitat tal-Għażla jevalwa l-proposti u minnhom jagħżel sa għaxra biex jiġu ffinanzjati skont ir-regolamenti tal-proġett u mplimentati fil-prattika.
$111. Fi tmiem il-proġett tinżamm laqgħa ġenerali għall-Kunsilliera Żgħażagħ ta’ Malta u Għawdex, fejn jiġu mħabbra il-proġetti li jkunu se jiġu ffinanzjati filwaqt li jitqassmu ċertifikati ta’ parteċipazzjoni u mementos għal-kreattivita, parteċipazzjoni u valuri oħra skont il-ħtieġa.
$112. Jiġi ffirmat kuntratt ta’ Għajnuna Finanzjarja mhux aktar minn ġimgħa wara li jiġu mħabbra l-proġetti li jkunu se jkunu ffinanzjati. Rapreżentant legali minn kull Kunsill Lokali jkun responsabbli għall-iffirmar filwaqt li l-Kunsill Lokali Żgħażagħ jkun preżenti għal din il-laqgħa.
$14. IFFINANZJAR TAL-PROĠETT
$1· Aġenzija Żgħażagħ tipprovdi bi spejjeż tagħha t-taħriġ non formali lill-Kunsilliera Żgħażagħ.
$1· Aġenzija Żgħażagħ tipprovdi bi spejjeż tagħha l-ħlas tal-Youthworkers biex jassistu liż-żgħażagħ fejn jeħtieġ.
$1· Għaxar proġetti magħżula jibbenefikaw minn massimu ta’ €3,000 kull wieħed li 80% minnhom ikunu ffinanzjati minn Aġenzija Żgħażagħ u l-20% l-oħra jkunu ffinanzjati mill-Kunsilli Lokali rispettivi.
$1· Il-Kunsilli Lokali għandhom jipprovdu l-faċilitajiet u r-riżorsi għal-laqgħat tal-Kunsilli Lokali taż-Żgħażagħ rispettivi tagħhom bi spejjeż għalihom.
$15. OBBLIGI TAL-PARTEĊIPANTI MSIEĦBA
$15.1 Aġenzija Żgħażagħ:
$1· Tikkoordina l-proġett tal-Kunsill Lokali taż-Żgħażagħ
$1· Tiffinanzja l-proġett tal-Kunsilli Lokali taż-Żgħażagħ skont para 4
$1· Taħtar kumitat ta’ Għażla biex jevalwa l-proposti għall-inizjattivi mill-Kunsilli Lokali u jikklassifikahom f’ordni ta’preferenza
$15.2 Kunsill Nazzjonali taż-Żgħażagħ:
$1· Jikkollabora ma’ Aġenzija Żgħażagħ u l-Kunsilli Lokali biex jikkoordina l-proġett tal-Kunsill Lokali taż-Żgħażagħ
$1· Jgħin lill-Kunsilli Lokali taż-Żgħażagħ permezz ta’ appoġġ li permezz tiegħu ikun imsaħħaħ ix-xogħol imwettaq mit-tim rispettiv
$1· Iħeġġeġ liż-żgħażagħ jipparteċipaw f’dan il-proġett
$15.3 Kunsilli Lokali:
$1· Jippromovi l-proġett mal-lokalità sabiex iż-żgħażagħ tal-lokalità jkunu mgħarrfa b’din l-opportunità
$1· Jipprovdi finanzjament skont para. 4
$1· Għandu jkun żgur li kull tip ta’ materjal li joħroġ b’konnessjoni ma’ dan il-proġett ikun jinkludi l-logo ta’ Aġenzija Żgħażagħ u tal-Kunsill Nazzjonali taż-Żgħażagħ
$1· Jalloka paġna lill-Kunsill Lokali taż-Żgħażagħ fir-rivista tal-Kunsill Lokali li toħroġ minn żmien għall-ieħor. Din il-paġna għandha tkun imtella’ mill-Kunsill Lokali taż-Żgħażagħ u għandha tinkludi rapport tal-Kunsilliera Żgħażagħ dwar il-ħidma tagħhom
$1· Jalloka ħin tal-anqas darba fix-xahar biex is-Sindku żagħżugħ jew rappreżentant tal-Kunsill Lokali taż-Żgħażagħ ikun jista’ jirraporta l-ħidma tal-Kunsill Lokali Żgħażagħ lill-Kunsill Lokali
$15.4 Rwol ta’ Youth Worker
$1§ Il-Youth worker għandu r-rwol li jassisisti sabiex jipromwovi l-proġett maż-żgħażagħ tal-lokalità
$1§ Huwa għandu jimmotiva liż-żgħażagħ sabiex jattendu għas-seminars ta’ taħriġ u laqgħat oħra li jkunu organizzati minn Aġenzija Żgħażagħ
$1§ Għandu jħeġġeġ liż-żgħażagħ sabiex jiltaqgħu b’mod regolari, jiġifieri tal-inqas darba kull ħmistax, u jassisti liż-żgħażagħ sabiex jaslu biex jagħmlu riċerka dwar il-bżonnijiet tal-lokalità kif ukoll jissottomettu proposta ta’ proġett li jkunu jixtiequ jimplimentaw.
$1§ Jekk il-proġett ikun wieħed fost il-magħżula biex ikunu iffijnanzjati l-Youth Worker irid jassisti liż-żgħażagħ jimplimetaw il-proġett
$16. REGOLAMENTI TA’ PROĊEDURA
Dawn ir-regolamenti ta’ proċedura għandhom l-għan li jiffaċilitaw id-diskussjoni fost il-Kunsilliera Żgħażagħ. Fejn jinqalgħu sitwazzjonijiet li ma jkunux koperti minn dawn ir-regolamenti, il-Kunsilli Lokali taż-Żgħażagħ għandu jirregola lilu innifsu billi jirreferi għal-liġi tal-Kunsilli Lokali.
$16.1 Eliġibiltà:
$1· Dawk kollha bejn l-14-il sena u t-18-il sena huma eliġibbli biex jipparteċipaw fil-Kunsill Lokali taż-Żgħażagħ.
$16.2 Taħriġ tal-Kunsilliera Żgħażagħ:
$1· Il-Kunsilliera Żgħażagħ huma obbligati li matul is-sena jattendu għal seminars ta’ taħriġ. Dan it-taħriġ jingħata f’forma ta’ edukazzjoni non-formali u jiġu spjegati l-proċeduri tal-Kunsill Lokali u l-proċeduri tal-proġett. Matul dawn is-seminars il-parteċipanti jingħataw tagħrif dwar il-Liġi tal-Kunsill Lokali, il-mod kif twassal pjan ta’ ħidma effettiv, kif tipreżenta diskors fil-pubbliku, kif tiżviluppa relazzjonijiet pubbliċi tajbin, kif iżomm minuti ta’ laqgħa, r-rwol tas-Sindku, Segretarju u Kunsillier fi ħdan il-Kunsill Lokali. Il-Kunsilliera Żgħażagħ ikunu obbligati jattendu għal dawn is-seminars.
6.3 Rwolijiet fi ħdan il-Kunsill Lokali taż-Żgħażagħ:
$1· Fl-ewwel laqgħa tal-Kunsilli Lokali taż-Żgħażagħ, il-Kunsilliera Żgħażagħ jaħtru Sindku, Segretarju Eżekuttiv, Kunsillier responsabbli tal-Finanzi u Kunsillier responsabbli mill-Midja u Relazzjonijiet Pubbliċi. Dawn il-karigi jimtlew permezz ta’ qbil jew b’elezzjoni bejn il-membri.
$1· Is-Sindku tal-Kunsilli Lokali taż-Żgħażagħ għandu: jippresedi fuq il-laqgħat tal-Kunsill Lokali taż-Żgħażagħ b’mod demokratiku.
$1· Is-Segretarju tal-Kunsill Lokali taż-Żgħażagħ: għandu jżomm il-minuti tal-laqgħat u jibgħathom lill-Kunsilliera Żgħażagħ, lill-Kunsill Lokali u jipreżenthom flimkien mal-proposta sottomessa fl-aħħar tal-proġett.
$1· Il-Kunsillier responsabbli mill-finanzi: għandu jipproponi baġits u jżomm rendikont tal-finanzi kif ukoll jieħu ħsieb jiġbor il-kwotazzjonijiet meħtieġa.
$1· Kunsillier responsabbli mill-midja u relazzjonijiet pubbliċi: għandu jistabbilixxi kuntatt mal-midja lokali biex iwassal ħidmet il-Kunsill Lokali taż-Żgħażagħ lill-poplu u jieħu ħsieb li l-Kunsill Lokali Żgħażagħ ikollu l-viżibilità mistħoqqa.
$1· Fl-ewwel laqgħa tagħhom, jew skont kif meħtieġ, il-Kunsilli Lokali taż-Żgħażagħ jistgħu jaħtru numru ta’ karigi li jaħsbu li jistgħu jgħinuhom fil-ħidma tagħhom.
$16.4 Il-Laqgħat:
$1· l-laqgħat tal-Kunsill Lokali taż-Żgħażagħ għandhom isiru darba kull ħmistax. Qabel kull laqgħa s-Segretarju tal-Kunsill Lokali taż-Żgħażagħ, wara konsultazzjoni mas-Sindku, għandu jibgħat l-aġenda li tkun ser tiġi diskussa. Din l-aġenda għandha tkun mibgħuta tal-anqas ħamest ijiem qabel id-data tal-laqgħa.
$1· Il-laqgħat tal-Kunsill Lokali taż-Żgħażagħ jistgħu wkoll jissejħu fuq talba ta’ terz tal-Kunsilliera Żgħażagħ li jkunu fil-kariga.
$1· Il-laqgħat tal-Kunsill Lokali taż-Żgħażagħ għandhom idumu massimu ta’ sagħtejn. Wara dan il-ħin il-laqgħa tista’ jew tkun estiża b’mozzjoni jew tkun aġġornata għal data oħra.
$1· Kull Kunsillier Żagħżugħ għandu ċ-ċans li jagħmel l-argument jew preżentazzjoni tiegħu f’ħin stipulat ta’ għaxar minuti, jew kif jiddeċiedi l-Kunsill Lokali taż-Żgħażagħ fl-ewwel laqgħa tiegħu.
$1· Il-laqgħat tal-Kunsill Lokali taż-Żgħażagħ għandhom isegwu din is-sekwenza:
$1- Qari tal-minuti,
$1- Korrezjoni tal-minuti,
$1- Approvazzjoni tal-minuti,
$1- Affarijiet li jirriżultaw mill-minuti,
$1- Qari tal-korrispondenza,
$1- Preżentazzjoni ta’ mozzjonijiet mill-Kunsilliera Żgħazagħ li qegħdin fuq l-aġenda,
$1- Diskussjoni u votazzjoni fejn jeħtieġ.
6.5 Deċiżjonijiet fil-Kunsill Lokali taż-Żgħażagħ:
$1· Fuq mozzjoni mressqa quddiem il-Kunsill Lokali Żgħażagħ bil-miktub kull deċizjoni tittieħed b’vot reġistrat fejn kull Kunsillier Żagħżugħ jiddikjara l-vot tiegħu.
$1· F’każ li l-votazzjoni jkollha riżultat parzjali, is-Sindku żagħżugħ ikollu dritt għall-Casting Vote.
6.6 Konsultazzjoni Pubblika:
$1· Il-Kunsill Lokali taż-Żgħażagħ għandu l-jedd li jsejjaħ għall-konsultazzjoni pubblika qabel jieħu d-deċiżjonijiet tiegħu biex iressaq il-propost.
6.7 Kuntatt mal-Kunsill Lokali:
$1· Il-Kunsill Lokali taż-Żgħażagħ għandu jzomm lill-Kunsill Lokali tal-lokal aġġornat bil-ħidma li tkun qiegħda titwettaq mill-Kunsilliera Żgħażagħ. Dan għandu jsir permezz ta’ minuti mgħoddija lill-Kunsill Lokali u anke permezz ta’ aġġornament verbali dwar il-ħidma u l-proposti tal-Kunsill Lokali taż-Żgħażagħ, mis-Sindki Żgħażagħ jew minn Kunsilliera Żgħażagħ waqt is-seduti tal-Kunsill Lokali, tal-anqas darba fix-xahar.
6.8 Etika:
$1· Il-Kunsilliera Żgħażagħ huma responsabbli għad-deċiżjonijiet u l-azzjonijiet tagħhom u għandhom jagħtu rendikont ta’ ħidmiethom u għemilhom kull fejn u meta meħieġ.
$1· Il-Kunsilliera Żgħażagħ għandhom jinvolvu ruħhom fi djalogu kostruttiv.
$1· Il-ħidma tal-Kunsilliera Żgħażagħ għandha tkun ispirata minn spirtu ta’ dmir lejn il-lokalità fejn l-interess tal-komunità jirbaħ fuq l-interess partiġjan jew kull interess ieħor.
6.9 Żvilupp ta’ Proposti
$1· Il-Kunsill Lokali taż-Żgħażagħ għandu jiddiskuti temi relatati mal-lokalità rispettiva.
$1· Id-diskussjonijiet tal-Kunsill Lokali taż-Żgħażagħ għandhom iwasslu biex jiġu ssuġġeriti proposti konkreti permezz ta’ mozzjonijiet li possibilment ikunu jistgħu jiġu kkunsidrati mill-Kunsill Lokali.
$1· Il-Kunsilliera Żgħażagħ għandhom jissottomettu proposta bbażata fuq diskussjoni u riċerka.
$17. KUNTATTI
Koordinatur tal-Proġett: Josette Camilleri
Aġenzija Żgħażagħ
Triq il-Kbira San Ġużepp
Santa Venera SVR 1012
Tel: 22586700
E-mail: This email address is being protected from spambots. You need JavaScript enabled to view it.